DEA | Gresini Racing

ᲞᲠᲔᲡ – ᲠᲔᲚᲘᲖᲘ

2023 წლისკენ მიმავალი გზა უცვლელად გრძელდება და Gresini MotoGP_ის გუნდი იჩენს ახალ და მნიშვნელოვან პარტნიორს. გუნდის ერთ-ერთი ახალი ოფიციალური სპონსორი ამ წლიდან იქნება DEA SYSTEM, შენობებისა და საჯარო სივრცეების ავტომატიზაციის პროდუქტებისა და სისტემების შექმნის წამყვანი კომპანია, ნადია პადოვანის ხელმძღვანელობით.

DEA SYSTEM, ჭეშმარიტად იტალიური, თუმცა საერთაშორისო მაშტაბის კომპანია(14 შვილობილი კომპანია მთელს მსოფლიოში), გამოჩნდება როგორც 2022 წლის Desmosedici მანქანების წინა ფარებზე, ასევე ალექს მარკესისა და ფაბიო დი ჯიანანტონიოს კოსტუმზე, ასევე პანელებზე და გუნდის სატვირთო მანქანებზე.

MAURIZIO ODOARDI – DEA SYSTEM Spa-ს ᲒᲔᲜᲔᲠᲐᲚᲣᲠᲘ ᲓᲘᲠᲔᲥᲢᲝᲠᲘ

„ნადიასთან და კარლოსთან პირველი შეხვედრიდან ჩვენ გაოცებული ვიყავით ენთუზიაზმით, მოტივაციითა და გუნდური სულით, რომელიც Gresini Racing-ის სამყაროს მთავარი მახასიათებლებია. ეს არის ღირებულებები, რომლებზეც დაფუძნებულია ჩვენი კომპანია და რომელსაც ჩვენ ვუზიარებთ ყველა ჩვენს პარტნიორს მთელს მსოფლიოში. ჩვენ მზად ვართ დავიწყოთ ახალი ეტაპი Gresini-ს გუნდთან ერთად, იდეებისა და ენერგიის ურთიერთგაცვლით, რაც გააძლიერებს ჩვენს ბრენდს და ჩვენს ღირებულებებს.”

TIZIANO LIEVORE – DEA SYSTEM Spa-ს ᲓᲐᲛᲤᲣᲫᲜᲔᲑᲔᲚᲘ ᲓᲐ ᲗᲐᲕᲛᲯᲓᲝᲛᲐᲠᲔ

„მოხარული ვარ, რომ დიდი ენთუზიაზმით ვიწყებ პარტნიორულ პროექტს, რომელიც აერთიანებს იტალიურ სულს და ინტერნაციონალურობას, ორ ძირითად თვისებას, რომლებზეც დაფუძნებულია ჩემი კომპანია. Gresini Racing_ის გუნდი წარმოადგენს საუკეთესო მოკავშირეს ამ გზის ერთად გასავლელად, ურთიერთთანამშრომლობით, ასევე იმ ფანტასტიკური საქმის წყალობით, რომელსაც ნადია ახორციელებს გატაცებითა და თავდადებით.”

CARLO MERLINI – ᲙᲝᲛᲔᲠᲪᲘᲘᲡᲐ ᲓᲐ ᲛᲐᲠᲙᲔᲢᲘᲜᲒᲘᲡ ᲒᲐᲜᲧᲝᲤᲘᲚᲔᲑᲘᲡ ᲓᲘᲠᲔᲥᲢᲝᲠᲘ

„ყოველთვის სასიამოვნო და სტიმულის მომცემია ახალი თანამშრომლობის დაწყება… ახალი მოგზაურობის გაზიარება DEA SYSTEM-თან; ჩვენს შორის იმდენი საერთო აღმოჩნდა, რომ ეს პარტნიორობა აბსოლუტურად ბუნებრივი და შეთავსებადი გახდა. ჩვენ ვემზადებით ახალი გამოწვევებით სავსე სეზონისთვის, ალექს მარკესის მონაწილეობით, მაგრამ ასევე დიჯიასთან ერთად, რომელიც აპირებს მეორე სეზონის დაწყებას პრემიერ კლასში: მოლოდინი აშკარად მაღალია. მინდა მივესალმო ტიციანოს და მაურიციოს და მადლობა გადავუხადო Gresini Racing-ის პროექტებისადმი ნდობისთვის… სავარაუდოდ, ეს პარტნიორობა სავსე იქნება წარმატებებით და აღფრთოვანებით!”